Saiki pemandangan koyok mengkono wes ra tau ketok.... kadang aku kangen banget suasana ngono... bocah saiki dolanan e wes PS, komputer, Game on line, Internet, dingdong wae wes jarang.
Jaman mbiyen, sore bali sekolah dho les neng sekolahan , golek tambahan pelajaran seko guru, ora mbayar amargo keihlasan e pak lan bu guru. Saiki kabeh dho les dewe2 neng lembaga2 sing ono saiki.
Grengseng sinau bareng yo wes sudo , ora koyo mbiyen meneh, iki nandake yen kabeh saiki dewe2 alias mikir awake dewe utowo kurang guyub.
Memang jamane wes bedo, saiki kabeh serba mesin, nulis nganggo mesin ketik lan komputer , lungo2 yo dho numpak montor numpak sepeda sing ono unine... lah jaman mbiyen onone mung Colt angkutan nek ora yo sepeda onthel..
nek wayah arep dolan sekeluarga senenge eram. Ngguya - ngguyu iso numpak montor umum ...... ( kadang ono sing mabok mambu bensin , saking ra kulino numpak montor )
Weehh saiki kabeh numpak montor e dewe2 karo sepeda motore dewe2, dalan yowes alus ora koyok ndek emben kang mung watu watu banthak di toto neng ndalan, kegliyur sithik yo ambruk pit- e. Saiki memang bedo karo mbiyen ......
Wah wah... yo ngangeni banget yo jaman ndek cilik, hambok rekoso neng kadang pingen mbalik jaman mbiyen. jaman mbiyen jaman mbesut ( nyetriko ) nganggo areng wae setriko ne nyilih tonggo , jaman kathok pramuka nggo numpak bis ben gratis utowo bayar separo ( ra kelingan yen dino minggu, tetep nganggo seragam mergo pingen ra mbayar le nge-bis )
jan2 e yen ketok anake isih cilik kan yo mbayar separo rasah ndadak ngetoke sragam pramukane ..oalah yo yo yo .. wong jaman mbiyen.
masalah panganan, mangan telo rambat wes koyo mboh mboh eenaaakkeeee.... saiki kabeh mangane keju, roti, coklat.. .. jaaaaannnnn
panganan seko telo wes dho ditolaki mbocah. kepriye kok ra iso nguri2 panganan jowo, seko ndeso.
Nek eling yo memang mak gregel atiku, kelingan tonggo teparo sing mbiyen ndolani, sing mungkin saiki wes ora ono. eling jaman di emong karo tonggo yen bapak ibu sibuk makaryo, golek upo. diajak numpak vespa othok, diputer2 ke ndeso wes bungah.
Yen ono KKN ( mahasiswa sing praktek neng masyarakat langsung ) rasane ketamon agung seko kutho, gelem sinau bareng, gelem melu program sing di gawe KKN, saiki ye ono KKN wes dho cuek bebek karep mu, dadi yo mahasiswa ne kurang maksimal olehe ngudi ilmu neng masyarakat.
Pasar murah utowo bazar ( zaman saiki ) wes ora akeh di tekani masyarakat, padahal jaman mbiyen, ngerti ono pasar murah wong sak ontran-ontran moro kabeh neng lokasi ra ketang mung ndelok ora iso tuku, padahal regane wes adoh neng ngisor rego pasaran, klambi2 ya di dol murah , beras opo meneh. saiki wong2 wes dho gengsi kabeh, rumongso iso ning ora iso rumongso.
Dino riyoyo saiki wes ora greget , ujung neng tonggo teparo, nak mbiyen bocah2 mlaku mubengi deso sekonco guyub banget...
Kabeh dho sepedah motoran.. cah cilik durung oleh sim wes entuk numpaki motor, kabeh salah kaprah .. aturan wes ora kanggo meneh.
Aduh.. jaman mbiyen.. adat mu kok wes dho luntur sithik2... sesuk masa depan bongso iki kepriyeeeeeeeeeeeeeeee
( mugo wae, apik lan sentosa.. bener2 merdiko tanpo ngilangke sejarah )
jaman saiki -- jaman saiki
0 komentar:
Posting Komentar
monggo di pun koreksi